شعر شعبـــــــــــــــــي

السلام عليكم ورحمة الله

يمكن هاي ثاني مره منذ تسجيلي في المنتدى ادخل لاضواء الشعر

لانني وكما يعلم عني البعض من كتاب الشعر الشعبي الا انني تركته منذ فتره طويله واصبحت لا اطيقه

عموما عجبني احد الاشعار كما المني بنفس الوقت واحببت ان اضعه الا انني قمت ببعض التعديلات مع احترامي للشاعر وارجوا المسامحه للتعدي على حقه

يمكن يكون شعر بسيط بس معناه اخترق قلبي وبسرعه يمكن لان اني احس نفسي غريب بالعراق واصبح كل عراقي يعيش غربته حسب هواه


[FONT='lucida grande',tahoma,verdana,arial,sans-serif]ماخذ وياي العراق بجنـــــطه ما كفت الجنــــطه

طالعه منها مناره وعثك نخلـــه وشعله من عيون نفطه

وراح نوصل… ذاك حد السيطرات وذيج ضوايات المحطه

وين اضمها.

لا هوه اكتاب ويخليه المسافر جوّه أبطـــه

الحمد لله.. الدنيا ليل… ونقطة التفتيش سنطه

هاي نقطه ويمها واحد نقطتين. ثلاثة. خمسه

ست نقاط ويمها واحد!! تنحسب مليون نقطــه

وصاح مسؤول النقاط بصوت عالي هاي ما معقوله جنطـه

بصيحته انزرعت الساحــــه رجال أمن ورجال سلطه

بجرة السَحَاب شافت عينه نجمـه وطكته ريحة الحنطــه

ما لكه غير العلم.. ضحك وكلي شيـفيدك كتله غربه

إحنه غربه

ومن نموت هناك… جا بيش انتغطه؟

من نموت هناك جا بيش انتغطه

شاف ادموعي تنزل مد ايده واخذ حنطه

اليوم انت مسافر ويمكن بعد باجر تلكانه بالمحطه

أخذ للجنطه تحيه… وكلي توصل بالسلامه

وهاي أول مره أفوت بسيطره
…
بعد ما انطي رشوه وتستعد كدامي شرطه
...
بسم الله