منتديات كهربجات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


      تذكرني
 

شعر تحشيش على الكهرباء

3 مشترك

اذهب الى الأسفل

جديد شعر تحشيش على الكهرباء

مُساهمة من طرف khrbjate 2011-09-12, 5:46 am

اكو فد واحد اشكد مايحب الكهرباء صار شاعر
يله خلي انشوف اشكتب

ماتگدر تجينه امحنيه رجليهه
بلوه الكهرباء شلون تاليهه

ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه

ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلهه بحرّه يگضيهه

ما تگدر تجينه وخايفه علينه
حكمتهه هوه التبريد ياذينه
ديدنهه تحبنه ودوم توصينه
سبلتكم قناعه فياي يغنيهه

ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه

ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه

ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليهه !!

ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وفرش عل سطوح عذيبي تلگيهه

ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه

ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه

ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه

ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه

ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه

ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــه

ما تگدر تجينه وصايره هوايه
باليابان مرّه انطفت لحظايه !!
وحنه ارقام عدنه القطع بالمايه
وبدفتر جينس منهو اليجاريهه

ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه

ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهه

ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويهه

ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليهه

ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفواشگد جميله الوان تزهيهه

ما تگدر تجينه انگطع حته السير
والخضراء تزهي يغني بيهه الطير
رامس كوندليزه وحضر حته بلير
والسي آي أي ما گدر يحييهه

ما تگدر تجينه وصرت متأكد
خابرني الزعيم القطب والاوحد
بوش وگاللي لأحلامك توسد
ماتنحل يگلبي انخبط صافيهه

ما تگدر تجينه محنيه رجليهه

بلوه الكهربااااااااااااء شلون تاليهه
.
.
.
.
.
مخموووووط
khrbjate
khrbjate
مؤسس دونت كير

مؤسس دونت كير

شعر تحشيش على الكهرباء Pic-7710
!.. My MmS ..! شعر تحشيش على الكهرباء 2a526254f9
!.. My SmS ..! Don't challenge someone who has nothing to loose
الجنس : ذكر
مزاجي : شعر تحشيش على الكهرباء 2210
عدد المشاركات : 707
الدولة : شعر تحشيش على الكهرباء Iraq
النظام المستخدم : windows Xp
عدد الدنانير : 132494
عدد اللايكات الكلي : 22
احترام القوانين شعر تحشيش على الكهرباء Empty

https://khrbjat.ahlamontada.com https://www.facebook.com/khrbjat

الرجوع الى أعلى الصفحة اذهب الى الأسفل

جديد رد: شعر تحشيش على الكهرباء

مُساهمة من طرف المحب 2011-09-13, 7:11 am

روعة وابداع
avatar
المحب
دونت كيري زوين

دونت كيري زوين

الجنس : ذكر
مزاجي : شعر تحشيش على الكهرباء 2110
عدد المشاركات : 72
الدولة : شعر تحشيش على الكهرباء Iraq
عدد الدنانير : 120596
عدد اللايكات الكلي : 1
احترام القوانين شعر تحشيش على الكهرباء 11101010

الرجوع الى أعلى الصفحة اذهب الى الأسفل

جديد رد: شعر تحشيش على الكهرباء

مُساهمة من طرف شمس الرافدين 2011-09-28, 12:54 am

هههههههههههه شكرا
شمس الرافدين
شمس الرافدين
دونت كيري بيه روح
دونت كيري بيه روح

الجنس : ذكر
مزاجي : شعر تحشيش على الكهرباء Mk10
عدد المشاركات : 8
الدولة : شعر تحشيش على الكهرباء Iraq
عدد الدنانير : 91469
عدد اللايكات الكلي : 0
احترام القوانين شعر تحشيش على الكهرباء 11101010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى